在這場反送中抗爭運動中，黃大仙街坊被稱為「地上最強」，與龍翔道黃大仙紀律部隊宿舍一街之隔的睦鄰街和沙田坳道，是東九龍抗爭運動的主戰場，警方多次在該區施放催淚彈，其中10月1日，警方下午已開始密集式催淚彈放題，令黃大仙下邨不少街坊中招，黃大仙下邨街坊黃女士的家就在「戰場」旁邊，催淚煙由窗隙滲入，令1歲多的細仔患上嚴重濕疹，至今全身「冇忽好肉」，令這位和理非港媽也忍不住炮轟警方，「點解你哋（警察）經常性要放呢啲，係咪必需要放咁多呢？有無顧及屋企有小朋友嘅，你放得太多係咪對人哋唔好呢？」

記者
金敏琍
攝影
徐雲庭

黃女士既是職業女性，亦是三子之母，大仔及次子已10多歲，細仔只有一歲多，與丈夫一家五口居於黃大仙下邨低層單位，客廳窗戶對出就是龍翔道。雖然安樂窩就在「戰場」最前線，但因照顧兒子，過去黃大仙激戰連場，她未有參與其中，豈料仍難獨善其身。

寓所是舊式屋邨，窗戶採百葉簾式設計，難以完全密封，因此每當區內發生抗爭運動，預計警方又會TG放題，黃女士即帶同三子往親戚或朋友家暫避，「唔好彩，10月1日喺屋企，當日開咗冷氣，可能我係住舊式嗰啲，變咗前後（龍翔道及睦鄰街）夾攻，聞咗一日催淚彈，嗰晚細仔已經瞓唔到......佢連個頭皮、patpat甚至乳頭都有，不停咁出水，係好似有啲液體流出嚟咁，佢一路行，啲頭皮一路係咁甩。」

她批評警方亂放催淚彈，完全漠視老人家及小朋友安危，「點解要放咁多呢？佢哋無諗過呢個問題，有風會吹入屋，黃大仙係屬於老人邨，較多老人家同小朋友，同埋我哋樓層較矮，同埋係舊式，唔似新型有窗閂晒佢...我諗呢個係最大影響。」

黃女士稱，在10月1日當日，本港各區催淚煙四起，警方下午開始已在黃大仙催淚彈放題，當日她與丈夫在外，由大仔照顧兩名弟弟，黃女士知悉警察在黃大仙射催淚彈便即時趕回家，「嗰一日係無交通，我由九龍城行返嚟，喺呢一條街（正德街），係有百幾粒催淚彈，你可想而知嗰一日幾犀利。」

細仔出生3個月已患輕微濕疹，但10月1日後濕疹惡化，作為母親每晚無眠照顧兒子，翌日又要上班，令她非常疲累，加上擔心兒子情況，精神壓力巨大，「有時坐喺度突然之間眼淚會不停流落嚟，點解會咁樣，點解我會喊。」

細仔濕疹至今沒好轉，黃女士曾嘗試各種方法，最終是到政府醫院求醫，為了未來，她向房署申請調遷到高層單位亦獲批准，「每一次都喺龍翔道發生，影響好大」。對警方至今仍拒絕公佈催淚彈成份，她十分不滿，因為細仔有同學在催淚彈放題後肚屙，「一屙就三、四日。」她敦促警方早日公開催淚彈成份，讓醫護人員按情況用藥醫治。

-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇
-----------------------------
【撐學生】
召集有心人 撐學生全年睇《蘋果》
立即按此
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568