周末二線波為大家推介蘇超聯、荷甲聯及法甲聯賽事，分別係4口唔同場次主隊，包括里爾、華倫西恩斯、赫斯及洛達。
里爾剛啱喺周中歐冠盃大發神威，3:1大勝希臘勁旅AEK雅典；睇番佢哋原來已錄得連續4場不敗成績，今周聯賽繼續主場出擊，對手只係弱旅羅連安特，單W早買冇壞。

華倫西恩斯上盤咪錯過

今季法甲聯升班馬華倫西恩斯走勢唔錯，主要都係靠主場威力，到目前為止，各項賽事主場5戰未嘗敗績之餘，更有打冧雷恩、南特及波爾多等勁旅紀錄。今輪秩序佢哋又有主場之利，對手只係特魯瓦呢類弱旅，華倫西恩斯上盤咪錯過。
蘇超聯球隊赫斯，近年表現大躍進，自從上一圈歐協盃出局後，專心聯賽下又打番啲成績出嚟，近6仗不敗兼得4勝2和，今輪有主場之利，對住嘅只係今季表現平平嘅基爾馬諾克，都係穩開主W格。
鹿特丹斯巴達堪稱今季荷甲聯「財星」，迄今7戰未嘗勝果，更輸足6場敬陪聯賽榜末席，照睇呢支上季升上甲組嘅球隊，今季應難逃降回乙組厄運。今輪賽事繼續要睇淡佢哋，照捧對家嘅洛達可也。文：華度