鄭敬基(Joe)疑因參與遊行及政治表態，今年9月不獲續約，離開效力前後逾20年的無綫。但塞翁失馬焉知非福，沒有了大台包袱，Joe能暢所欲言，事業更有新開始。他昨晚亮相ViuTV音樂節目《CHILL CLUB》做表演嘉賓，在台上興奮地說：「今日係一個新開始！」

Joe穿上黑白格仔西裝，打扮醒神，打頭陣獻唱的歌曲是由他作曲、填詞和主唱的《Anita》，他說：「呢個場好喎，感覺勁過紅館。多謝ViuTV畀我嚟到呢度chill，其實對我嚟講，好多人覺得失去咗，失去嘢永遠都係唔好受嘅，但失去又有啲人，甚至有啲事情發生，令你得番好多嘢。我只知今日全新舞台站喺呢度，今日係一個新開始，唱歌畀大家聽，多謝。」昨日主題是單戀歌，Joe之後再唱《Home Alone》，並與湯寶如（湯記）合唱經典歌《酒杯敲鋼琴》，他high爆落台與fans握手，笑說：「真係當自己演唱會咁喎！」湯記問他近況，他帶點感觸說：「我諗只會有機會喺呢個台表演嘞。」最後Joe還唱多一首陳百強的《喝采》，讓樂迷聽出耳油。

Joe今日接受《蘋果》訪問，感激自己在台上的說話沒有被ViuTV「河蟹」，他說：「呢個音樂節目，好近距離，真係似一個音樂會。第一，佢畀你唱晒成首歌，同埋中間所講嘅嘢唔會cut走，真係好似一個歌迷聚會嘅音樂節目，呢種感覺好耐未試過，可以望住大家，去到最後好似真係識咗對方咁樣。」Joe亦開心未有因為版稅問題，而減少揀心水歌的機會，他說：「以前多限制，會擔心所揀嘅歌係咪仲打緊官司，同四大唱片啲版稅搞掂未？有啲原本好想唱、好好聽嘅歌，但唔唱得。喺ViuTV就有好足夠嘅歌單畀你揀，呢樣係樂壇必需嘅，人哋寫歌你畀版稅亦係必需做嘅，咁先係真正孕育一個香港樂壇嘅電視台。」問到會否有機會拍劇？他說：「未有人問，如有，會試。」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇