荷李活模範夫婦畢彼特（Brad Pitt）同安琪蓮娜祖莉（Angelina Jolie）離婚收場，安琪蓮娜向法庭提出自己擁有子女撫養權，而畢佬只得探望權利，而佢自提出離婚後，已帶同6名仔女搬到喺馬里布另租嘅寓所，連日嚟都冇露面，有傳媒就拍得周一安琪蓮娜叫薄餅送到屋企。

報道指畢安簽咗婚前協議，財產分配唔係問題，佢哋現時會爭6位仔女嘅撫養權，而畢佬原定周三會出席紀錄片《Voyage of Time:Life’s Journey》首映，但佢啱啱就發聲明指會缺席活動，聲名內容指：「我相當榮幸可以參與一部如此出色及富教育義意嘅項目，但暫時我要專注處理家庭事務，唔希望搶走呢一部我推介大家欣賞睇嘅電影嘅焦點。」

畢安離婚消息受到全球關注，有黑客就借畢安嘅新聞企圖盜取網民個人資料，網上出現一條聲稱係來自霍士新聞、關於畢佬死訊嘅報道，其實呢段係假新聞，用戶只要click入去就會被盜取到密碼，然後遭黑客控制個人帳戶，現時Facebook已提醒用戶要小心。