當年今日
關於我們

【巡迴三城】麥玲玲完成首次美國風水騷 直言:I will be back

蘋果日報 2018/09/28 14:34

麥玲玲講座豬年運程風水騷

堪輿學家麥玲玲首次在美國舉辦巡迴風水騷,一連三站圓滿結束。先後在三藩市、洛杉磯及紐約跟大批粉絲見面,麥玲玲表示,今趟旅程收穫甚豐,也為日後到其他如歐洲、澳洲講風水取得寶貴經驗,「多謝咁多人支持,我只有一句,『I will be back(我將歸來)』!」
麥玲玲上周六在紐約皇后區完成最後一場「行運致富講座」,她向《蘋果》總結多日行程表示,東西岸三地粉絲各有不同;其中,三藩市觀眾多為老華僑,對麥玲玲認識最深而且親切,問題大多圍繞投資、健康;紐約則有不少說普通話的觀眾,對家中小孩前程特別感興趣。
時常在大中華地區演講的麥玲玲,首次北美之旅全長約一個星期。她坦言,出發前向醫生索取「時差藥」,因為她天生難適應時差,幸好三場演講順利完結,觀眾相當熱情,「(北美演講)開心,攞到好多經驗,日後有機會到歐洲、澳洲、日本等地,繼續推廣玄學」;玲玲師傅又透露,不少北美觀眾已經向她「抄牌」,要麥玲玲私人再「指點迷津」,「好多觀眾、贊助商問我之後有咩安排,我只係想講『I will be back(我將歸來)』!」
參加了紐約場次的觀眾屈太,幸運地獲師傅解答孩子前程的問題,「問咗個仔嘅時辰、性格、旺咩、最好顏色等私人問題;好開心,袋咗好多嘢返屋企,唔駛返香港喎」;跟女兒一起「睇騷」的楊太則說,最喜歡麥玲玲講解「面相」的部份,「得益唔小,女兒(美國)土生土長都陪我嚟睇,學咗好多風水嘢」。
empty
麥玲玲在美國舉行風水棟篤騷,大受觀眾歡迎。
empty
玲玲師傅談笑風生,現場笑聲不絕。
empty
有觀眾表示跟玲玲師傅「學到好多嘢」。