【澳門直擊】賭王何鴻燊二房長女何超瓊前晚舉辦完amfAR舞會，昨日與好友劉嘉玲到澳門，出席其投資的MＧＭ酒店藝術展，其他出席名人有陳鴻業，林煒珽等，原本在名單的英國超模姬蒂摩絲（Kate Moss）及娜奧美金寶（Naomi Campbell）莫非前日玩到盡興而臨時甩底。嘉玲前晚在amfAR舞會，身穿一襲Elsa Schiaparelli橙色高訂密實晚裝，昨晚出席酒會時回復性感，穿上一襲Saint Laurent孔雀羽毛裙，艷壓全場。

唔敢同姬蒂鬥酒

問到嘉玲前晚在amfAR舞會中，被碧咸嫂Victoria Beckham「捕獲」影相，大影其背脊及與她selfie，更在其twitter上載相及高度讚揚，大讚嘉玲的打扮超有型及最佳衣着，她笑言：「多謝，成晚佢影我背脊，因為件衫細節喺後面。」嘉玲透露與碧咸嫂交換時裝心得，她表示：「我好鍾意佢啲衫，啲剪裁好啱，估唔到佢好nice，平時個樣好嚴肅。」嘉玲透露有與另一好友姬蒂飲酒，她表示：「冇鬥酒，唔敢飲得多，會約佢聽日食飯（指今日）。」嘉玲不時與不少國際巨星見面，她表示希望認識今屆奧斯卡影帝艾迪烈柏尼（Eddie Redmayne）：「佢做得好好，佢嚟緊新戲要做變性人，好期待，如果有得同佢合作就好，佢係後生演員中最有潛質，我都想遇到霍金呢類咁有發揮嘅角色。」此外，姬蒂前晚在舞會中任DJ，玩得極high，更與男友人「舌吻」，及跳舞跳到甩帶。
採訪：盧妹
攝影：陳俊強