【天國合唱】盧凱彤遺作見天無期 周國賢待心情平復再決定
下一站天國錢七Zarahn周國賢盧凱彤山竹改機票
周國賢今日同前樂隊Zarahn拍擋Goro(高佬)到商台宣傳新歌《錢七》,周國賢指自己創作歌曲其實源自10幾年前同高佬喺紐西蘭夾band時受對方啟蒙,但高佬近年少了創作,所以今次以自己冇靈感為藉口,要求對方為自己寫歌,希望重燃對方創作團火,亦係第一次以其他人創作嘅歌作派台歌,周國賢話:「另外仲有一首寫好咗嘅歌,但嗰一位歌手(盧凱彤),可能我要到下一站天國先至可以同佢合唱,暫時唔知會唔會放入新碟,要等我心情再安頓平復下先至再決定。」
周國賢日前被本報影到同太太及兩女逛超市,但佢似乎只顧撳手機冇幫手(新聞連結: https://bit.ly/2DqbrOy ),周國賢釋當日唔係顧住玩電話,係因為要趁「山竹」吹襲港前,改機票飛去日本拍呢首歌嘅MV,因為若果再遲半日先出發,可能就冇飛機出發,周國賢話:「我都好內疚,因為打風嘅時間屋企人喺香港,當時我又唔喺身邊,屋企有出現漏水同搖,啲女都驚,連續兩晚都唔敢自己訓,之後我返嚟立即陪番佢哋。」
精選娛聞,喺晒《娛果》
http://fb.com/appledailyent
周國賢透露已故嘅盧凱彤有寫歌俾佢,但佢未決定放唔放入新碟。