【王宗堯被捕】黃秋生笑對拉異見藝人粉飾太平︰仲有千千萬萬個
蘋果日報 2019/09/30 14:00
黃秋生王宗堯
明天10.1大陸要粉飾太平，香港警察亦要防範，香港眾志前立法會議員羅冠聰在facebook稱藝人王宗堯今晨在寓所被警察上門拘捕，理由是進入或逗留會議廳範圍、串謀刑事毁壞等兩罪將王宗堯拘捕。羅冠聰稱案件與7月1日立法會事件相關，王宗堯正被押往灣仔警總，已有律師跟進。對於王宗堯忽然被捕，黃秋生以短訊回覆《蘋果》表示︰「一啲都唔出奇。週（周）街拉人。唔順超罪。是旦（但）啦罪。求Q期罪。乜罪物罪，冇罪有罪，你自行有罪...歌詞咋。」被問到政府是否想於10.1前粉飾太平時，秋生補充說︰「拉咗一個，仲有千千萬萬個。而家啲暴警喺市民心中已經變成『日寇』，係佢哋食錯叉雞飯，以為自己係海軍陸戰隊啫。」
