阿仙奴領隊雲格透露球隊中場辛迪卡索拉在接受完最新嘅腳部手術後，佢嘅康復療程將要重新由零開始，令呢位西班牙中場嘅復出日期一再押後（如果仲可以復出嘅話）。

今次係辛迪卡索拉第九次接受足踝手術，兵工廠領隊雲格原本希望佢可以喺出年1月復出，但再開埋呢一刀之後，就乜嘢都唔同晒。雲格話：「手術後我send短訊祝佢早日康復，佢覆我一句『喂我又要由零開始喇！』，真係睇見都傷心，佢所經歷嘅嘢，真係難以置信。由零開始嘅意思係，如果一切順利嘅話，辛迪卡索拉首先要等自己可以跑番步先，當佢跑番步之後，需要等六個禮拜至可以練番波，但佢幾時可以跑番步，我就唔知喇！」

記者之後問雲格到底對辛迪卡索拉復出仲覺唔覺得樂觀，呢位法國籍領隊就答：「希望喇，但依家唔到2月肯定唔使旨意復出！」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM