當年今日
關於我們

【二次創作】蘋果fb live 黃耀明事先張揚的命案…「到時有首《十個放火的議員》!」

蘋果日報 2017/01/20 17:31

黃耀明劉以達達明一派

達明一派今日幫《蘋果》喺facebook做live,對於坊間話《十個救火的少年》有另一版本叫《十個救火的議員》,黃耀明聽到就好大反應話:「嘩!都話呢個係後真相年代,哈哈,大家應該要fact check一下先,其實係冇呢個版本嘅,期待大家用你哋嘅方法,去發掘下呢首《十個救火的議員》,或者好快有另一個版本《十個放火的議員》!」
主持梁兆輝又問黃耀明,話據聞明哥打算做導演,問到會唔會搵拍檔劉以達演出,明哥就笑笑口講:「達哥係我心目中嘅笑匠,佢拍開笑片喎,等我發掘吓佢文藝同內心戲!」劉以達即刻答:「我都有內心戲o架,我早排演過老竇呀!」黃耀明就話:「到我開拍你可能要做阿爺!」劉以達就好爽快話:「黐鬚冇問題吖!」