【入行13年】自爆入有線月薪7千 翠如BB:經常懷疑自己
余詠珊有線黃翠如
早年嘅有線幫主持,你又數唔數到有幾多個入咗無綫?(資料圖片)
有線主持(左起:黃翠如、黃子俊、劉明軒、鄭文)(資料圖片)
當日除咗黃翠如一家,仲有翠如男友蕭正楠都有嚟撐場。(資料圖片)
17歲嘅翠如BB,呢條講真話嘅片,令佢受壓。(資料圖片)
13年前,啱啱大學畢業嘅黃翠如,喺廣告公司搵到份工,因緣際會結識到現時係大台高層嘅余詠珊,亦因為咁,妹妹仔就無心插柳入咗娛樂圈。余詠珊入有線,翠如入有線做主持,余詠珊入大台,翠如入大台做花旦,更成為大台最高曝光率嘅女藝人之一。
睇番翠如嘅事業運,真係唔使麥玲玲,都知佢平步青雲,事實有幾多大台姐仔,賠上青春精力夢想,都未能坐上女一之位,偏偏翠如BB一入大台,配角都唔使做,直接喺《心路GPS》登上女一之列。至於家庭運同愛情運,老竇黃永華間建築公司舊年喺港交所上市(新聞連結: http://bit.ly/2xQmWZi ),同男友蕭正楠見少日都話唔得。
喺旁人眼中,黃翠如少年運行得比人順暢,不過原來13年前,翠如BB都曾經迷失過、挫敗過。噚晚,佢就喺fb留咗篇感言,以自己做借鏡,勉勵大家,只要無忘初心,總會發現面前有自己一片天空。
「剛剛十三年了。
我是由娛樂新聞台出身的。
那時,月薪由七千做起,一班剛畢業的人,穿上借來的名牌衣服,影了一張好像有點型格的合照。
十三年前的自己,或許你經常懷疑自己,覺得自己所做的事情不是特別出色,但你不用覺得寂寞,因為十三年後的你,也是有同等的懷疑。但只要努力,保持初心,不要計較地默默地走,你也會有自己的一片天空。
更加重要是,即使跌倒,沿途風光其實也不錯。
為你打氣,黃翠如。
也為各位打氣。」