面對喪夫之痛、病情又毫無寸進，當時臥病在床的陳碧君一度陷入絕望，全靠兩名女兒每周托護士帶來的親筆信和心意卡，激發她一定要活下去，「佢哋已經冇咗爸爸，唔可以冇埋我！」

「我日日掃地抹地，唔知點解掃極都咁多塵㗎……我哋好好，冇打架、冇拗交、你不用擔心，我好掛住你，你要加油……」在瑪麗醫院A6病房度過母親節、生日的陳碧君，每天記掛住兩名在溫室長大的女兒，雖然母女三人無法見面，但女兒每周也會托護士帶來親筆信和心意卡，說說近況，媽媽每次睇完都淚如泉湧：「最感動係一天，佢哋煮咗薑蛋叉燒炒飯俾我，佢哋從未入過廚房，竟然識煮，睇到佢哋識得獨立。」

在病榻期間，護士們的關懷也讓她感動！最記得生日那天，護士們送上的生日卡，裏面每個字竟是從雜誌逐粒剪出來，很有心思，「我只係一位病人，佢哋工作咁忙，根本冇咁嘅必要，睇得出佢哋幾咁關心病人！」

她出院後曾對女兒說，希望她們長大後能當上醫護人員，回饋社會，最終她亦得償所願，現時大女已嫁至美國，從事製藥工作，細女則在醫院當護士，近日細女亦誕下女兒，成為第一個外孫女，令她喜上眉梢，她感激當日的痛苦經歷，令她能有今天的回報。

你敢爆，我敢獎！ 即Call《蘋果》24小時爆相爆片熱線 ：63836568