遊行人士黎小姐表示,行政會議一定要改組,並且要引入非建制的聲音,「唔可以淨係得保皇黨,可以從區議員選出嚟,可以喺立法會議員度揀,唔係再由特首委任同聲氣嘅人,咁就只有同一意見」。
大學生張小姐表示,林鄭及高官下台是難以避免,她關注行會日後是否要改制,不再只由特首委任,改為引入民間聲音,「應該引入年輕人聲音,但傘運後冇邊個組織可代表年輕人,要搵人入閣比較難」。
李小姐批評,現時行會向建制派一面倒,有必要加入民主派聲音,「阿爺吹雞就即刻pass(通過)」,又認為要換走湯家驊,「晨早就要換走,佢根本已經倒戈相向」。
■記者張文傑