民政事務局前局長何志平賄賂案，今日於美國紐約南區聯邦法院判刑，法官Loretta Preska判處何志平囚禁36個月，罰款40萬美元（折合約312萬港元），款項須於12個月內支付，辯方律師時估計若何志平行為良好，可能只需服刑31個月，扣減已還柙的16個月，最快可於明年6月獲釋（新聞連結： https://bit.ly/2TtgVut），據知胡慧中和女兒何淦璇並沒前往美國聽取判刑。

胡慧中契仔王友良的家人曾為何志平寫求情信，對於契爺何志平被判賄賂案罪成，判監3年，王友良今日接受《蘋果》訪問說：「判刑三年好難判斷係太長定係太短，對坐監嘅人士嚟講，坐三個鐘都可能係好長，所以呢段時間唔係咁簡單，同埋唔易過，好在而家起碼過咗一半，剩番一半，希望睇吓會唔會有其他嘅可能性啦！」

問到胡慧中及何志平女兒有否到美國？王友良沒正面回應，只說：「希望大家都畀番啲空間契媽佢，我哋都冇特別同佢聯絡，畀番啲空間佢去處理嚟緊所有嘅事。」

至於契妹為人樂天，王友良相信契妹能夠正面去面對整件事：「佢而家係求學階段，我相信佢會更努力讀書，希望佢有好成績，第時佢爹哋返嚟都可以畀一個好嘅驚喜佢爸爸。」

何志平與武打影星胡慧中於1997年結婚，胡慧中以42歲高齡於2000年為何志平誕下愛女何淦璇，即淡出娛樂圈，何志平於2017年11月在美國紐約被捕，隨即被司法部控告何5項串謀違反及違反《海外反腐敗法》罪及3項串謀洗錢和洗錢罪，控罪指2014年至2017年間，中華能源基金會副主席何志平，為了替其幕後金主中國華信能源公司換取生意上的好處，先後賄賂多名非洲政要，去年12月陪審團裁定，8條罪名中7條罪成，只有1條洗錢罪脫罪（新聞連結： https://bit.ly/2TtgVut）。

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI