25歲日本女星剛力彩芽戀上42歲購物網站社長前澤友作，相戀三個月以來愛得高調，早前兩人乘坐私人飛機到俄羅斯睇世盃冠軍戰，剛力彩芽一直塑造嘅乖乖女形象已經破滅，被外界狠批拜金。

據雜誌《女性自身》報道，唔單止剛力彩芽生活突然富貴，亦帶挈其父母。報道指剛力彩芽父母已經搬離於神奈川縣嘅寓所，喺附近購入新居，消息指新居約2100平方呎，大約價值1億日圓（約700萬港元），寓所係以剛力父親名義購入，但大部份錢都係由剛力彩芽畀。其實剛力彩芽同屋企人一直感情好好，佢曾經話過如果走紅搵到錢，就會買大屋送畀家人，現時泊得好碼頭，令其願望更快實現。

精選娛聞，喺晒《娛果》
http://fb.com/appledailyent