【眾籌逾十萬】阮民安演唱會又遭審查被拒 終極1.23租用私人場開騷
演唱會阮民安
阮民安(Tommy)去年中高調撐反送中活動,他有見當時氣氛不好,去年9月6日在網上號召要舉行一場「沒有國泰,還有民安2.0演唱會」為手足打氣,隨即開始眾籌。Tommy先後申請了旺角麥花臣場館、灣仔伊館、北角新光戲院都被拒,他的演唱會搞足4個幾月,上月底原本確實租了沙田道風山於本月18日開騷,可惜公佈詳程後,即再被審查後遭拒絕,他今日在facebook宣佈,演唱會將改到1.23於沙田ClubONE宴會廳舉行。
Tommy在FB爆seed說:「今時今日,搞埸show都要查三代,真係唔知而家啲場地咁驚做乜X。之前本身話過18號開Show,但我哋同場地負責人去到最後一輪開會,突然又再一次審查個Show,包括唱嘅歌,Rundown,連個Show個名都搞我一論,黐X線!如果乜都改晒,咁呢個Show做嚟做乜?所以今日,再一次公佈,演唱會鐵定1月23號晚,晚上8點,喺沙田ClubONE宴會廳隆重舉行,風兩不改!嗰晚喺呢個場度,會將我哋想講嘅嘢,要唱嘅歌原汁原味咁送畀大家!」現場還有黃色巿集,Tommy表示歡迎黄色小店申請,所有攤檔租金費用全免。他續說:「我哋只有一個要求,就係希望檔主可以將當日部分嘅生意額,多少不限,隨心捐出,交由代理人直接送到台灣流亡嘅手足手上。呢埸Show全 香港 大,中,小,大專學生,全部免費入埸,加上無主辦單位,所以好多謝唔同黄色單位嘅支持,稍後再逐一致謝!如果仲有手足希望以唔同形式支持呢埸演唱會,歡迎繼續pm我哋,我哋會有專人同你哋接洽!」
Tommy這次搞騷一再拖延,有網民質疑他吃人血饅頭。問到Tommy演場會經費細節,他今日回覆《蘋果》時說:「因為個騷都係學生免費登記多,賣飛度收咗約十多萬,但今次租呢個私人場都十幾萬,呢場騷我點都要貼少少出嚟,而家仲度緊。」Tommy日前陪老婆Eva到台北搞Pop-up store。