紅館開騷 夫妻眼濕濕
張智霖戀靚靚:都有猜疑
一連兩場「張智霖我係外星人演唱會」前晚於紅館揭開序幕,張智霖(Chilam)於演唱會上提及與太太袁詠儀(靚靚)多年來的感情生活,並講到眼濕濕。
張智霖前晚於紅館開騷,沈嘉偉與邱淑貞及女兒、伍詠薇、趙學而等捧場。Chilam除獻唱他主演劇集的主題曲,又邀得草蜢做表演嘉賓,由於蘇志威未能到場,Chilam笑說自己是新草蜢成員,與蔡一智、蔡一傑合唱《三分鐘放縱》。
打開恤衫晒腹肌的Chilam模仿張國榮的動作唱出《想你》。
Chilam(小圖)講感情事時眼濕濕,台下的伍詠薇(右)感動落淚,靚靚即遞上紙巾。
Chilam(中)與蔡一傑(左)、蔡一智演繹快歌,全場歌迷high爆。
Chilam又大爆草蜢成員的瘀事,他說蔡一智以前經常不開心:「佢以前三更半夜打嚟話就要死,陳奕迅幫佢改咗個名叫ParadiseChoy,至於蔡一傑份人就好婆媽。」
演唱會途中,Chilam又提及與靚靚相戀到結婚的經過:「當時我喺北京拍劇,坐喺個木桶度冲凉,突然眼前一亮,見有個少女騎住白馬,我即時chok樣,一坐就坐咗廿碌。」之後Chilam唱出靚靚主演的電影《新不了情》的主題曲。
Chilam續說,與靚靚拍拖時壓力很大:「有段時間我哋都有猜疑,後來我同佢講工作有少少成績,可以去人生另一階段。我哋去咗個冇乜人嘅地方,入咗間小教堂,對住個陌生嘅神父,講咗句IDo!」台下的靚靚面露笑容,靚靚身旁的伍詠薇卻感動得哭起來。
與Chilam合唱《現代愛情故事》的蔡卓妍說有儲Chilam的YesCard。
談到曾有人相勸不要公開戀情,Chilam眼濕濕說:「我家可以好誠實望住你哋唱歌,呢廿年我好幸運,賺咗個家,06年上天賜咗個小朋友畀我。」靚靚此時亦眼濕濕,Chilam送上兩首歌給太太及兒子。他又向哥哥張國榮致敬,唱出《想你》時大晒腹肌。
另外,表演嘉賓之一的蔡卓妍(阿Sa)與Chilam合唱《現代愛情故事》,而此歌是Chilam與舊愛許秋怡的作品,他獻唱時靚靚不在座位上。
採訪:王連連 攝影:仇志德