今季賽事已跑到最後一期，如果現階段仍積極作出配備變動的馬，便不似出來求敗博減分，而事實上，七月份已上演的三戰，均有配備變動馬勝出。

例如剛戰賀賢旗下的「慣勝聆聽」便加面箍勝出，周日(16日)此馬房第七場三班1600米的「豈等閒」亦是初戴面箍上陣，大可照辦煮碗。睇番「豈等閒」今季只跑過一次田草1600米，在二班評88分得季軍，該場頭馬「鷹雄」其後勝出皇太后紀念盃及於一級賽遮打盃上名，可見水準高，「豈等閒」輾轉目前在三班75分上陣，還要加面箍帶來新鮮刺激，當然有重視必要。

另外，第九場三班1400米的「威力東」外地一加面箍即大勝開齋，而且六次用此配備取得兩勝兩位兩殿，今仗在港初出即戴面箍，未必係求熱身咁簡單。

除此之外，呂健威今季六匹配洋將之B1馬(初戴眼罩馬)獲一勝三位逾半上名，今次頭場「喜盈盈」加眼罩上陣，亦有權變身。