當年今日

隔牆有耳:胡錦濤訪港開支千萬稱霸 - 李八方

蘋果日報 2018/01/03 00:00

隔牆有耳公帑胡錦濤

中國人向來講排場,身為領導人就更加啦!禮賓處向立法會提交文件,交代過去19年為咗招呼國家領導人或外國政要人物訪港開支。先講國際顯要,19年嚟有29次較具規模嘅顯要訪港,例如美國總統克林頓、英揆貝理雅、俄羅斯總統梅德韋傑夫等,但呢29次訪港行程,有17次使咗20萬元唔夠。話晒都國家元首,20萬都唔使,相當慳皮。
輪到國家領導人喇,19年來訪港27次,數番當時職銜,包括時任國家主席胡錦濤、政協主席賈慶林、人大委員長吳邦國同張德江、副主席曾慶紅等,使少過50萬嘅有12次,花費50萬至100萬嘅就有11次,過千萬元嘅都有1次。胡錦濤2012年訪港3日,就用咗1,111萬公帑,前年張德江來港都用咗512萬,而張德江嘅活動分項開支仲貴過阿胡10萬。不過習大大去年訪港開支未包括在內,勞師動眾,估計過千萬都走唔甩啩?