天水圍東華三院李東海小學女教師林麗棠疑不堪工作壓力，去年3月6日在校內墮斃，引起社會關注。與死者相熟的教師庭上爆出，涉案時任校長羅婉儀任內曾有多名教師主動申請停薪留職，只為減輕工作量，又透露羅習慣在全體教師面前不點名批評甚至譏諷死者。作供教師批評學校為死者安排大量工作，卻從未體諒或支援死者的情緒病。教師在庭上更一度激動控訴：「其實佢唔係要你做好多嘢，淨係想要一啲關心、問候，唔係佢就唔會走上絕路。」

與死者相識超過20年的教師陳文貞供稱，最後一次與死者見面，是在墜樓事件前一星期。當日早上陳在教員室改簿，死者「喊住嚟搵佢」，陳詢問下才得知死者剛被羅召見，羅訓斥她沒有就聯校活動出通告，「佢好委屈，話唔知原來要出正式通告，佢之前冇試過帶隊出境外，但冇人話畀佢知要處理保險」。

死者又向陳透露，羅批評她工作態度惡劣，「話佢特登將啲嘢做差，又話隨時可以搵人代替佢」。死者又向陳表示，自己平日工作已經很盡力，惟羅仍不滿意，非常憂慮羅會將她辭退。陳盡力安撫謂：「傻瓜，你唔好咁啦，校長唔會炒到你㗎，你又冇犯大錯。」死者最後表明，下學年不想再做圖書館主任。

陳又供稱羅到任後，死者工作量不止沒有減少，反比同職級的老師更多，需要同時負責車船津貼、影級相、籌辦敬師活動、帶領粵語集誦隊等多項工作。陳質疑：「同一個職級，有老師只負責帶領風紀，點解有咁大差別？」

陳批評校方從未體諒過死者的承受能力，也從未支援過死者。陳亦透露，死者事發前幾年情緒越來越差，尤其常有失眠和失去胃口的情況，「佢瞓到已經係Bonus，要食藥先瞓到」。

代表家屬的大狀問陳，是否認為羅不尊重老師，陳立即謂：「絕對覺得。」又補充指羅的階級觀念重，「類似『你未夠班同我講嘢』……覺得佢嘅決定係最高」。大狀邀請陳舉出羅不尊重老師的實例，陳憶述事發前一年的東華發展日，死者突然在禮堂暈倒，失去知覺，最後被送往急症室。翌年發展日，當羅重回同一地點，便向全體老師謂：「你哋食晒早餐未？唔好好似某同事咁冇食早餐跑上嚟之後暈低喇。」

陳又憶述，有一次羅在禮堂開會，在全體老師面前不點名批評死者，「有啲人執圖書竟然用垃圾膠袋裝圖書，你睇吓幾唔make sense，唔見晒啲書點算」。陳認為羅是「選擇性鬧人」，「唔出聲嘅就會變本加厲去鬧，但對資深主任就唔會」。陳形容死者是一個不敢反駁的人，即使有不滿都會逆來順受，「佢其實好需要一個上頭去幫佢出聲」。

話說至此，陳不禁潸然，激動哽咽謂：「其實我自己都有內疚，喺2月28日見到佢咁崩潰，都想安慰多啲佢，但我嗰日都唔舒服，淨喺WhatsApp叫佢唔好咁上心，之後就冇再關心佢……其實佢唔係要你做好多嘢，淨係想要一啲關心、問候，唔係佢就唔會走上絕路。我知佢好錫屋企人，佢唔會白白犧牲自己性命。」

此外，大狀提到校長的問卷評分逐年下跌，由3.07下降至2.58，陳不認同老師評低分是因工作量多，「前任校長係4點幾……要起碼超過一半老師唔滿意先會咁低分」。陳又指，前任李校長同樣工作要求高，但與同事相處十分融洽。陳更透露，羅在請同事吃東西時曾主動謂：「咁就畀高啲分我啦。」批評羅從來不作反思。

大狀指出，在羅加入學校之後，有教師不願升職，導致主任級位置懸空，更有教師申請降職，以減輕工作量。陳同意有此情況，更爆出有三名同事主動停薪留職，以往從未出現如此狀況。陳又透露羅曾在會議上表示：「唔好諗住降咗職就唔使做行政嘢呀！」

【案件編號：CCDI206/19】

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！