當年今日

「唔應該即刻執番包藥」
吳鎮宇歎蘇永康行為不智

蘋果日報 2002/06/10 00:00


蘇永康前日凌晨在台北蒲吧時,涉嫌藏有搖頭丸而被扣查,吳鎮宇昨日表示覺得其行為有點不智,不應立即執回藥丸。而與蘇永康合作拍攝《百分百感覺》的周麗淇則擔心拍攝進度會受阻。
蘇永康(康仔)前日凌晨於台北一間酒吧,因涉嫌藏有搖頭丸而被扣查,安雅亦牽涉其中,二人更要進行尿液檢驗,而一眾藝人對此事各有不同的看法。
吳鎮宇和駱應鈞昨日出發往北海道拍攝無綫新劇《衝上雲霄》,吳鎮宇對康仔的事回應說:「我同康仔拍過電影,佢畀我嘅印象好斯文,其實間酒吧咁多人,都未必係佢做。但係換轉我係佢,我就唔會即刻執番包藥。」

「佢係好好先生」
駱應鈞則說:「我都係睇新聞先知呢件事,我冇打電話畀康仔,但我唔相信佢會咁做,因為佢份人唔煙唔酒,真係好乖仔,我希望佢可以盡快冇事返香港。」
而周麗淇昨日在金鐘出席活動時說:「我近期都同康仔一齊拍緊電視劇《百分百感覺》,佢畀我嘅感覺係好健康,而且重係一個好好先生,但𠵱家發生咗呢件事,都唔知套劇嘅進展會唔會受到影響。」

藝人要樹好榜樣
至於何韻詩昨日亦在電視城說:「其實做藝人要潔身自愛,因為要樹立一個好榜樣畀fans睇。我所認識嘅康仔係一個好好先生,希望佢盡快冇事。」
郭富城昨日出席活動時則說:「我覺得有番咁上下年資,藝人要珍惜自己多年建立嘅形象,千祈唔好白白浪費。」
採訪、攝影:駱華齡、顏英儀