翻查過往被裁定不適宜於議會使用的言詞,包括有2009年裁定的「仆街」及2010年裁定的「狗屎」法律;而在梁君彥新增裁定後,議員日後若在會議指摘特首講大話,或被逐出議事廳,變相成官員講大話的「護身符」。公民黨黨魁楊岳橋便諷指:「立法會各級主席(上至大主席下至附屬法例小組主席)必須保障官員在立法會講大話的權利,邊個話特首講大話,就掉邊個出去。」
民主黨立法會議員尹兆堅坦言對梁君彥當日裁決莫名其妙,「好明顯係為咗林鄭唔好被羞辱,幫佢保駕護航,隨意搬龍門」。他強調議員指特首「講大話」,「絕對有可能係事實嘅陳述,咁唔通佢講錯咗糾正佢都唔得?」,而事實上除「講大話」外,尹指出,尚有不少詞語如「顛倒是非」與「講大話」意思類近,質疑是否要一律禁用,「其實佢(梁)呢個裁決係好錯,根本執行唔到,係咪全部同類意思都唔俾講吖?」
■記者許偉賢