查小欣老公李學斌，自14年開始，多次俾人貼街招追債，同年10月，又俾人喺報紙刊登一則廣告，通知李學斌「有大筆遺產待領，請從速電澳門蘇先生洽」，並留低一個香港電話號碼。當時查小欣指不知是何人所為，警方代追查聯絡人澳門蘇先生，但電話一直無人接聽，疑似係惡作劇。

去年，有男子入稟高院，向李學斌追討102萬元欠款同利息。入稟狀指，被告李學斌曾開咗一張喺2015年9月1日到期的支票，擬支付102萬元欠款，但支票俾銀行彈票，原告人因此入稟追討。

到今年6月，再有《蘋果》讀者喺尖沙嘴見到追李國斌數嘅街招，當時查小欣就發表「人在暗，我在明」言論，同時否認老公欠債。