袁詠儀（靚靚）、郭晉安及吳君如，今日喺九龍灣出席麥當勞慈善拍賣活動，安仔嘅5歲仔仔幫活動設計枱櫈，拍賣到八萬一千蚊。

靚靚表示每年生日都會放生食齋：「生日願望係老公同個仔乖啲，唔好夾埋激我。」佢笑言老公張智霖搵到錢，距離自己年輕有錢退休計劃又邁進一大步。另外，君如籌備拍《金雞3》，邀得張學友、梁家輝、張家輝、古天樂同陳妍希合作，咦，唔通君如又想撮合古仔同妍希?佢立即話：「陳妍希唔關古仔事，佢哋唔會同場，事前知會咗古仔會有陳妍希。」