楊千嬅同老公丁子高首次夫妻檔上陣，為動畫《超人特工隊》續集配音，聲演兩公婆，化身超能先生同彈弓女俠。丁生、丁太平日合作無間，不過丁生主要做幕後幫千嬅統籌，少有幕前演出，今次難得一齊配音，其實係為咗寶貝仔Torres。

Torres最愛《反斗奇兵》系列同《玩轉極樂園》，如果知道爸爸媽媽為動畫配音，仲係化身超級英雄，肯定好興奮。今日係Torres 6歲生日，千嬅笑話就當係送畀囝囝嘅驚喜生日大禮，到時動畫上映，會同老公帶埋Torres一齊入場睇戲，丁子高都話今次兩公婆合作配音確嘅機會難逢，可一不可再，希望為Torres給個美好回憶.

丁生、丁太呢對廿四孝父母，其實同佢哋今次聲演嘅角色好相似，超能先生同彈弓女俠兩位超級英雄，雖然忙住保衛地球，但亦好重視家庭同親情，努力兼顧事業、家庭，做好一對模範夫妻同父母。佢哋即互笠高帽，千嬅讚老公似足超能先生，為事業衝鋒陷陣，亦會親力親為湊掂個仔，丁子高亦讚老婆十足超能太太，無論工作、家庭，事無大小都處理得妥妥當當，乜都搞得掂：「老婆簡直係家中嘅萬能女俠。」

另外，丁子高今日喺instagram貼出一張蛋糕相，為囝囝慶祝生日，蛋糕都係《超人特工隊》。

精選娛聞，喺晒《娛果》
http://fb.com/appledailyent