當年今日

今日必買

蘋果日報 2002/01/07 00:00


大生雞 經濟之選
雞有貴有平,種類亦有好多,包括有清遠雞、石岐雞、三黃雞、芝麻雞、新品種嘉美雞等等,有斷隻或斷斤計。大生雞係一種比較少見嘅雞種,部分雞鴨檔至有出售,一般都係斷隻賣,每隻最少都有三斤零重,大概二十至二十五蚊隻,係經濟之選,大生雞最重可以去到五至六斤重,大隻雞肉同樣嫩滑而味香濃。

記者:陳冰麗
潺螺 滋陰養顏
潺螺又叫大頭螺,體形都頗大隻,由一斤至五斤重都有,最適合在冬季這乾燥時份用來煲湯,有滋陰養顏的作用。潺螺肉質腍滑,煲完湯都不會韌,可以切片食,質感更跟鮑魚有點相似。不過買潺螺時,記住叫魚販刮走潺膽,不然會破壞成煲靚湯的鮮味。

記者:謝翠玲