何超鳳在寫字樓放了一張香港芭蕾舞團（HK Ballet)的2013年演出的簽名大合照，今晚亦會主持一年一度的Ballet Ball，出任舞團主席長達6年。站在中環置地「Ballet for All 慈善聖誕樹」旁，HK Ballet在何超鳳心中佔着很重要的位置。

「一係，因為我鍾意呢個performing art， 雖然我無跳，但有機會我都會去睇。最初我只係為HK Ballet籌款，反而入咗董事局，了解再深啲，好值得為佢哋工作，我唔會用個『幫』字，對我嚟講，係一個團隊，每次你見到佢哋演出，見到啲觀眾好熱烈咁拍手掌，你真係會好為佢哋覺得高興。」

香港芭蕾舞團今年舉辦過兩次大型活動，為了推廣普及芭蕾舞，除了創作較大眾化的新劇目《Alice in Wonderland》，更製作特別聲效、視效，重新編排的《天鵝湖》，給自閉兒童、智障人士欣賞，她亦暗暗走到周末的元朗大會堂睇演出，「我真係好開心，真係為佢哋覺得好驕傲，記得有次响文化中心，我哋唔認識嘅觀眾走嚟同我講：『好恭喜你哋，做得好好！』你睇到佢哋唔係假，係好衷心，真係一個好大鼓勵！」

小時候，何超鳳是全家唯一自願想去學跳芭蕾舞，但只跳了一年，就因為媽咪要求專注讀書，被迫停下，未有成為舞蹈員，但她依然希望為這個美麗的藝術盡一分力。
兩個女兒小時候都有學，「佢哋由幼稚園開始，時間多啲，佢哋叻過我，學咗兩三年，但我個大女就鍾意溜冰多啲，佢話，『一樣啫，媽咪，花式溜冰咪等於响冰上跳芭蕾舞。』」

採訪：林妙萍
攝影：郭賢興
攝錄：林德雄、周樂恒

精選娛聞，喺晒《娛果》
http://fb.com/appledailyent