74歲的「大公主」馮素波日前一身黑色打扮，孭着背囊，單拖在九龍塘又一城行街，當日下午3時，《蘋果》發現戴了老花眼鏡的她進入了一間日本時裝連鎖店睇衫，她正在貨架挑選減價tee，細心揀了幾件心水tee，立即拼在身上，大約5分鐘便揀得心頭好往付款。波姐離開時裝店後，又入了一間香水店看東西，她跟店員閒聊了一會，了解貨品。波姐當日悠閒在商場內shopping，其後便坐扶手電梯往下層。

《蘋果》日前致電波姐，她表示自己經常獨自出動，波姐在電話訪問中說：「咁我老公死咗，個仔又要返工，人老就要自立。」波姐笑言炎炎夏日，最佳節目是到商場看戲、行街兼嘆冷氣：「我哋老人飛睇戲25蚊咋，打發時間幾好㗎，我嗰日買咗飛睇古仔套《追龍II：賊王》，見未夠鐘咪去行陣街。我買咗幾件79蚊啲T恤，買嚟換季，我見啱質地就買，咁平唔使格價啦，買到返去唔啱咪做睡衣。我做瑜伽，有多件T恤替換，做瑜伽主要想拉筋同學吓呼吸。」波姐這位長者很會為自己安排充實的生活，她說：「做人最緊要自在呀。」

-----------------------------
7月4日起 《蘋果動新聞》只限升級壹會員閱覽
繼續撐蘋果！