當年今日
關於我們

曹敏莉睇《星星》戲癮大發陳法蓉自認auntie無膽識富二代

蘋果日報 2014/03/22 06:00

陳法蓉曹敏莉

曹敏莉、陳法蓉同王愛倫等今日去咗天水圍出席《博愛醫院慧妍雅集新teen地中心開幕典禮》活動。

曹敏莉而家係慧妍主席,又忙住湊三歲女兒同幾個月嘅仔仔,話一日24小時都唔夠用,分配唔到時間拍劇,等佢地大啲再諗復出幕前:「個女下年就讀K1,仔仔都報左playgroup,又要幫慧妍,唯有唔約朋友去街、玩少啲。」

要趁仔女瞓哂先有得煲劇,用左一個星期時間煲《來自星星的你》,搞到佢戲癮大發,問佢下月金秀賢嚟香港會唔會追星?佢話:「唔會啦,睇電視已經好夠。」

陳法蓉感冒病咗十幾日,今日仲有啲聲沙沙,她早排去咗上海拍劇:「拍咗三套內地劇,兩套時裝一套民初,09年試過胃酸倒流好嚴重,停咗一段時間,真係唔拍唔知身體好。」咁不如識番個內地富二代?陳法蓉即刻自嘲是auntie級,話而家去活動見到啲總理都廿幾歲,以前明明大過自己好多,不過就講明唔介意姊弟戀:「年紀唔重要,最重要係佢錫我。」