唔少業主辛辛苦苦孭層幾百萬嘅樓債上身，都係想有個安樂窩，但係近年，發展商好興起埋啲黑廁，即係冇窗，淨得抽氣扇嘅廁所。Asjt話：「住間屋係黑廁，最大件事係『臭』，有屋企人『開大』，廁所空氣唔流通，臭到出廳，全家人都要迴避，如果下一個想去廁所，要用大牛角扇吹一吹，先至冇咁臭。」
Georg講得更恐怖，「廁所冇窗，長期冇陽光，好易陰氣積聚，寃魂處處。」Hkps3-4建議：「試吓喺牆度畫番隻窗，感覺可能會好啲。」Investking話：「可以諗吓整個開放式廁所，拆咗道門同牆，咁咪通爽啲、開揚啲。」

皆因發展商慳皮

Rman595就話：「發展商可能為咗方便設計，個房同廳嘅方向都可以好啲，又可以減少成本，咪起埋啲黑廁囉，話晒倒石屎始終平過裝鋁窗。」
Ihatetc話：「黑廁嚴重影響市民健康，都唔明點解政府唔監管。」209chai插口：「如果再有沙士，有黑廁嘅屋苑，必定係重災區。」
Gemoney唔同意：「邊個話黑廁嚴重影響市民健康，去旅行住啲酒店都冇窗，又唔見身體會點樣差。」
近幾個月推出嘅新盤栢慧豪園、影岸．紅同都會駅都係黑廁，即使幾千萬嘅豪宅凱旋門同貝沙灣，部份嘅廁所亦係冇窗。
http://www18.discuss.com.hk/viewthread.php?tid=5201679&highlight=%B6%C2%B4Z