上周一,阿盼度過了婚後第一個沒有丈夫陪伴在旁的生辰,內心就如打翻了五味瓶,百般滋味湧上心頭。「即使到𠵱家佢入土為安,我都覺得佢重喺我身邊,我接受唔到呢個事實,成日同個女講,爸爸會好快返嚟。」阿盼話未說完,便匆匆拿着紙巾輕按眼角,不讓那差不多已經流乾的淚水再流出來。其三歲女兒看見母親這樣,亦露出欲哭無淚,一副惹人憐愛的樣子。
遲遲不見回家
四十歲的死者黃健雄,於荃灣一間餐廳任職通宵更廚師,每朝均會乘坐九巴265M線返回天水圍住所,本應早上約七時便會回到家中。阿盼憶述,上月十日事發當日,丈夫過了二十分鐘仍未回來,她遂致電丈夫,卻一直無法聯絡得上。直至早上八時,電話終於接通,惟電話筒卻傳來一把陌生的聲音。阿盼難過地說:「嗰個人應該係救援人員,佢話我知發生咗交通意外,喺現場執到呢個電話。我當時好驚,即刻周圍打去醫院問,直到下晝一點幾,我先接到警方通知,話我先生已經送咗去富山殮房。」阿盼隨即帶同一對子女趕到殮房,向丈夫作最後告別。