屹立西環半世紀，老牌餐廳森美餐廳去年一度傳出結業，今年3月由紀惠集團行政總裁湯文亮以4,300萬元買入，最近續租月租由8.3萬元加至12萬元，租金加幅45%。業主湯文亮接受訪問表示，舖位市值租金15萬元，現在已經八折租出。

湯文亮表示，當初看中這個舖位，價位4,300萬元，租約8.3萬元，快將到期，市值租金為15萬元，打算買入並以12萬元放租，「森美餐廳就話唔得呀，又乜又乜…」於是他自己親臨餐廳後，發覺「就算現有租金租出都無用，因為佢根本唔想做，餐廳內好邋遢，好多枱用來擺枱，都唔係用來坐人，無人來，無意思。佢哋意向租金10萬元。」

湯文亮續稱：「你哋(蘋果日報)訪問佢，話唔做之後，佢好多舊客返去食飯，好旺，生意好轉，佢就搵一個人上來同我傾，呢個人係英皇(163)執行董事張炳強，佢就話咁咁咁，可唔可以幫下佢。我話唔緊要，生意OK，無問題。跟住餐廳接班人就上來再傾，佢太老實，話做3日生意靠交租。我話生意好唔好唔係租金個度，係你肯唔肯去做得佢好。你做得唔好，我唔收租，你都做唔掂。後來佢話可以俾到15萬元，可唔可以租俾佢，我無臨時加租，講咗12萬元就12萬元，原本傾好租俾太興，都係12萬元。」

對於租金加幅45%，他回應：「以前太平，唔計閣樓2200方呎，地下2600方呎，呎租都未過50元，好平啦!市價是15萬，已經有20%折讓，原價八折。」

上述舖位位於西環皇后大道西206號地下，面積約2,600方呎，另連閣樓2,200方呎，舖位由森美餐廳承租，舊租8.3萬元，現在加租至12萬元，加幅45%。土地註冊處資料，Fast Keen Limited今年3月以4,300萬元買入上述舖位，公司股東包括紀惠集團行政總裁湯文亮及其子女湯振傑、湯振玲等人。

森美餐廳是西環的老牌店，近半世紀，裝修及氣氛懷舊，餐廳內貼滿不少老闆與名人的合照，連周潤發、周星馳都曾經是座上客。

蘋果財經，關心你飯碗
http://fb.com/appledailyatm