呂先生及另外兩名不願透露身份的員工，分別向本報投訴被其任職的紀律警衛（香港）有限公司拖欠強積金供款，且同樣被拖欠一年多。「個個月都扣你錢話供，但原來個個月都冇供，拖足年幾！」
上月已離職的呂先生稱，他於2003年1月開始透過其任職的警衞公司供強積金，每月供款約三百多元。呂先生表示，該公司每月所派發的糧單上，均有列出：「強積金供款項目」，且每月扣除三百多元供款。

「話盡快供番但唔見」
「年幾以來都以為公司幫我供緊，直至兩個月前收到滙豐銀行（受託供款機構）寄封信嚟，先知原來公司年幾冇幫我供強積金；我問公司，佢哋又話會盡快供番嗰萬幾蚊，但一直都唔見，所以我咪決定做到八月辭職囉！」
另兩名員工亦說：「同公司講，佢哋次次都話就快供番，𠵱家搵工困難，追多幾追又怕畀公司炒，我哋可以點做？」