兩位全國政協副主席兼前特首董建華及梁振英牽頭籌組「香港再出發大聯盟」，稱要協助解決青年就業問題，並宣揚法治精神，反對「攬炒」。梁振英今日接受無綫節目《講清講楚》訪問時指，香港若無好的「法治」環境，將無法重振經濟，批評社會上有人「講歪理」，包括指「無公義嘅法律就唔使遵守」，形容有關言論嚇怕很多在港的投資者，指大聯盟要在社會推廣宣傳守法精神。但被問到是否覺得所有界別包括執法人員都要尊重法治時，梁拒正面回應，只稱：「眼前更加逼切嘅工作，係再過一兩個月，有數以萬計持各種學歷嘅畢業生離開學校，要喺社會搵工作」。而在被問到是否有意再參選特首時，梁振英說：「無」。

梁振英節目中被主持至少3次追問，在不先解決香港根本問題，即政府未就反修例事件問責和進行調查下，如何真正令香港「再出發」，他只推稱大聯盟是「非政府組織」，無意亦不能替政府做事，又指「五大訴求」亦非一個非政府組織「所能夠做嘅」。被問到大聯盟如何協助對政府施政不滿及支持反修例運動的年輕人時，梁說：「大聯盟唔係做呢個工作嘅」，重申無意取代政府，大聯盟亦非智庫，並指政府一直有其渠道聆聽年輕人的訴求。

問到社會撕裂根源為何時，梁指「一定好多」，指若要一次過解決香港現時面對的問題，「我哋做唔到，我相信無人喺香港、無人喺呢個世界可以做到」，故此大聯盟只能集中解決幾個問題，包括青年就業、振興香港旅遊業等，聲稱：「如果國內遊客唔嚟香港嘅話，海洋公園無論我哋搞到幾好，都有一日會執笠！」

對於年輕人以和平手法表達訴求後政府拒絕回應，才激發以更激烈手法抗爭時，梁只稱：「但係過咗大半年，用呢個方法得到嘅係乜嘢呢？得到嘅8,000個青年人被捕，而被捕嘅人，無一個係慫恿佢哋用呢啲方法去迫政府做嘢嘅人嘅仔女，被拉嘅人全部都係人哋嘅仔女」。

對於主持指帶頭抗爭者也有負上刑責時，梁說：「佢哋嘅仔女，一個都無參加呢個運動」，強調年輕人不能用非法及暴力手段迫政府回應訴求，「政府亦都無喺暴力同非法手段下就範，無一個政府應該咁做」，聲言社會已開始看到「攬炒」惡果，預告疫情過後，香港在旅遊、貿易和金融上都不能與新加坡、韓國及日本競爭，「點解？因為我哋有一個包袱，呢個包袱就係『攬炒』」。

梁振英過去曾在Facebook主張革除曾發佈「仇警」言論的教師教席及學生，問及大聯盟協助學生找工作時會否有選擇性時，梁予以否認：「所有年輕人我哋都幫，無論佢嘅政治立場如何」；至於大聯盟是否主張如他個人早前在fb所指，要以更嚴厲法例，以至引用重刑對待違法人士時，梁說大聯盟未有就此討論。

綜合梁振英言論，再出發大聯盟最少有「五不做」，包括不做政府的事、不回應五大訴求、不回應青年不滿、不做智庫，及不回應是否要求執法人員尊重法治。

梁振英節目後接受傳媒訪問時則指，「黃色經濟圈」理論上「係唔存在」，因為香港本身不可能脫離內地經濟自給自足，又指很多黃色經濟圈的商舖都是經營餐飲業，「水係由東江嚟，副食物品係大陸嚟嘅」，故不能排除中國內地的參與，「有咗黃色經濟圈之後呢，貨、水就大陸嚟嘅，但係客人就唔招待大陸客人，呢個理論點可以成立呢？」

記者 林俊謙

-----------------------------
《囚牢之疆》 專頁
揭開集中營邪惡面紗
獲2020年人權新聞獎「多媒體（中文）」大獎
-----------------------------
【武漢肺炎】專頁
全民自救 抗疫資訊盡在《蘋果》
-----------------------------
App內1-Click訂閱《蘋果動新聞》
按此了解更多