里昂嘅曼聯棄將迪比最近喺美國加州度假，好識利用社交網絡嘅佢連日來都有喺Instagram話自己嘅近況畀大家知，而打籃球同rap歌之後，星期六佢又繼續放閃，宣佈向女友Lori Harvey求婚成功。

迪比喺Ig上載一張自己單膝跪低、Lori雙手掩住面嘅相，寫住話︰「SHE SAID YESSSS!!!!!!!」一睇就知佢求婚成功。至於Lori就喺自己Ig po咗張差唔多嘅相，但呢幅相入面Lori個身轉多咗同埋表情好驚喜，佢仲話︰「好感恩，我將會同我最好嘅朋友結婚。我應承咗!!!!!!!!!」之不過，迪比開心多一陣就要收拾心情，準備返去球會里昂備戰新球季，而佢最近一次比賽係6月9號喺荷蘭大勝盧森堡5:0嘅世界盃外圍賽為橙軍踢咗66分鐘。