男子組合Shine今晚喺紅磡香港體育館舉行《SHINE MONENTS Live2018》演唱會頭場。現場為X型四面台，入座率約有8成，座位上就放咗螢光棒，但主辦單位就將螢光棒扣住，觀眾不能拿走。

天佑同又南於8時35分出場，佢哋《第二春》打頭陣，接着唱出《果欄男孩》 時，就邊彈電結他邊唱。唱到第三首歌《Superstar》時，現場歌迷不停尖叫，又南更唱至滿頭大汗。天佑首先講嘢:「記得第一次喺紅館睇演唱會，喺睇哥哥張國榮。嗰時見佢四面台，一番說話要講4次，我哋都要講4次。」之後又南就話對上一次佢哋兩個喺紅館開騷，已經係5年前嘅事，佢話:「我哋真係好鍾意係紅館開騷。」

又南笑言過住睇過唔少歌手表演，知道紅館嘅台係有好多機關彈出來，非常神奇：「今日終於輪到我哋。記得上次個騷，要講山頂、山腰、山腳嘅觀眾好，因為係三面台 今次要講前後左右360度嘅觀眾好，因為係四面台，希望今晚一齊創造我哋嘅moment。」

精選娛聞，喺晒《娛果》
http://fb.com/appledailyent