當年今日
關於我們

魚缸暴炒族:銘源無懼基金沽貨 - 方星俠

蘋果日報 2009/11/04 00:00


澳洲再度加息,但今次股海反應同上次唔同,事關上次澳洲加息,美元滙價散晒,引發港股急升兼破頂,但呢鋪似乎玩插落,期指連日低水過百點,昨日內地股市雖然上升,但對港股冇乜幫助,後市形勢真係唔多盞。
銘源醫療(233)上月中旗下產品蛋白芯片檢測獲列入上海醫療服務項目和價格表,市場睇好業務增長前景,股價升返1元樓上,最高曾見過1.14元,之後在高位回氣。
前日股價一洗頹風,出現低開高收之大陽燭,並升越10日線,昨日股價曾升至1.09元,惟高位現爭持,收市微跌1格,報1.05元。近期雖見富達減持股份,但股價卻見炒上,反映無懼基金沽貨。
銘源09年中期營業額升35%至2.08億元,純利則升8%至8874萬元,產品毛利率仍維持逾82%。產品獲市場肯定,前景可看好,伺機買入,以52周高位1.38元為目標。
方星俠
empty