劉心悠噚晚喺尖沙嘴演出芭蕾舞劇《胡桃夾子》，喺演出前心悠先接受訪問，講到今次演出，佢話：「為咗呢個騷已經綵排咗2個月，每一日都好規律去做運動，相信今次會有好多美好嘅回憶，相信到時會好感觸。」

唔知心情方面又有冇好緊張？心悠話：「都算平靜，不過上到台可能會好興奮同心跳加速。」之不過噚日綵排嗰陣，聽講突然喊喎，佢就話：「因為接咗呢個project，有機會同一班咁專業嘅dancers同台，但係我嘅體力唔似佢哋維持得咁耐，而且又有啲唔捨得同緊張，所以咪發洩吓。」佢又話：「兩個月前我都唔覺得自己可以做到，雖然經過今次可以覺自己都幾有興趣同天份，但係我呢個年紀，拉筋一定比唔上啲小朋友，所以超越到自己，我諗我再冇遺憾。」

精選娛聞，喺晒《娛果》
http://fb.com/appledailyent