日本出位女星中川翔子巡迴香港、台灣開騷，除咗歌手身份之外，佢仲以愛貓取名推出時裝品牌mmts，唱歌、拍戲、畫漫畫同埋出口牌，真係八足咁多爪！

中川翔子早前就有份參演怪雞名導園子溫嘅新片《東京暴族》，呢套戲由《變態超人》主角鈴木亮平擔正，月底先會喺日本開畫，遲啲香港都會上映，而呢套戲仲會出戰多倫多電影節，成為當中「午夜瘋狂單元」嘅開幕電影，翔子喺《東京暴族》度會以一身李小龍嘅黃色功夫裝上陣，佢不嬲情迷功能同埋香港文化，今次簡直係開正佢嗰瓣！