薛凱琪（阿Fi）及洪家豪今日到ViuTV為《CHILL CLUB》擔任嘉賓，主持趙學而、羅敏莊及駱振偉（Thor）齊齊受訪，受網民力讚唱功了得的Thor，將推出個人歌曲，身旁的羅敏莊即搞笑說：「你就好啦，Viu可唔可以幫幫我呀？」趙學而指網民希望《CHILL CLUB》可舉行直播騷：「如果大家想嘅就集一集氣，我哋仲講笑live騷叫《焦急》。」

問到許志安明天是否會擔任嘉賓？他們初時守口如瓶，指ViuTV未有通知，後來坦言很久未見對方，認為大家「餓」許志安的歌很久。趙學而說：「嘉賓係製作組負責，我哋只係演繹。」Thor指是個開心的驚喜，他們對於獲認可及適合的平台感高興，趙學而說：「喺個靚位見大家。」

阿Fi透露過去1年為自家服裝品牌努力：「我係個完美主義者，創造得就要做好佢，我唔當係生意，係一件藝術品。」她表示已有年半未錄新歌，被歌迷投訴，但當時自資做公司太攰，現時加盟華納便推出新歌《南昌街王子》。提到她的感情生活，阿Fi直言不心急結婚：「老土啲講，結婚都係張紙啫。」

採訪：盧妹
攝影：林賓尼

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新