鄭秀文（Sammi）、梁詠琪（GiGi）、白百何、趙雅芝、周家怡及商天娥等，前晚在尖沙嘴出席主演新片《八個女人一台戲》的首映禮，之後更齊齊去慶祝派對。今次是關錦鵬自《長恨歌》後相隔15年再執導，女主角同樣是Sammi。關錦鵬說：「時間過得好快，但感覺一啲都唔耐，今次再同Sammi合作，我覺得佢變咗另外一個人，放輕鬆咗，角色亦係需要有經歷先做到。」

飲新人茶感動

提到歌迷對Sammi 7月的演唱會反應熱烈，一票難求，GiGi向Sammi說：「唔好cut我飛呀！」Sammi笑言：「我自己印都印畀你。」

此外，Sammi日前在網上貼了一張被晚輩斟茶的照片，有網民誤會是他跟丈夫許志安向長輩敬茶相，Sammi表示：「係親戚後輩結婚，可能大家冇睇清楚我下面寫乜。」問她可會公開婚照？她笑言：「冇人想睇，唔會啦。」GiGi反駁：「我想睇呀！」Sammi即笑說：「我WeChat畀你啦。」對於有網民指她當日笑容僵硬，Sammi說：「其實我當時內心好感動，不過一時間表達唔出，面容硬一硬咁，斟完茶後我就即刻笑番，感動係覺得自己成為長輩要派利是。」
採訪：曹家誠
攝影：沈健程