現年33歲嘅韓劇《咖啡王子》女星尹恩惠，大前年演出大陸節目《女神新裝》時因涉嫌抄衫而形象插水，之後就甚少喺韓國蒲頭，多數都係返大陸出席活動。事隔多年，尹恩惠終於回歸公仔箱，近日正忙於拍新劇《心動警報》。

今年4月有份現身大陸品牌聚美優品活動嘅尹恩惠，日前特地拍片撐品牌新開發嘅手機應用程式。短片中，尹恩惠身穿輕便服裝出鏡，先以流利普通話打招呼：「中國的朋友們，大家好，我是尹恩惠，好久不見了。」之後提到自己未來會多多喺應用程式內與粉絲溝通，希望粉絲會多多支持，片尾又以普通話「我愛你們」向粉絲示愛，並大派心心，明顯心情大好。

更多韓流，喺晒《娛果》
http://fb.com/appledailyent