吳卓羲嘅舊愛張馨予擁35F巨乳身材，日前佢被內地傳媒偷拍到出席18禁飯局，分別同三個男人火辣擁吻，仲被1號四眼男施祿山之爪摸胸，同場有一個長髮女對住張馨予揸波挑逗，男女通殺！

當日張馨予被目擊同四名男人摟抱，1號四眼男就係《思美人》劇組嘅製片人梁振華，着間條衫戴cap帽嘅張馨予，左手拎住一杯酒，右手施迷魂鎖箍實四眼男，張馨予主動投懷送抱錫對方面珠，四眼男即刻high上腦，施以祿山之爪喺張馨予胸部游走，張馨予彎腰180度轉身閃避，雖然被人疑似摸完胸，張馨予不但完全冇嬲，仲喺度不停喪笑，坐低後仲撒嬌打拍對方嘅肩膊幾下。

之後輪到2號男上場，從背面睇佢嘅身型比較肥嘟嘟，呢位肥嘟嘟男都唔執輸，攝位從後熊抱張馨予錫面；至於3號就係恤衫男，佢企喺張馨予隔離，攬住張馨予係咁錫面，但張馨予似乎對佢冇乜好感，側頭閃避。

張馨予唔單止冧到在場男人暈晒浪，就連女人都走唔出佢嘅手指罅！同現場一名着連帽衫嘅長髮女攬狂啜，兩人仲嘴到頭都側埋一邊，十分激情火辣。長髮女似乎好冧張馨予，對住佢大跳扭腰舞，甚至做出摸胸嘅挑逗動作，真係兒童不宜。