為見識鮑魚黨人海戰術的利害，記者佯裝客人買鮑魚，當時有兩名同黨做媒，一人揀鮑魚，另一人揀花旗參。攤檔的價錢牌雖寫着鮑魚260元一両，但「両」字極小，而且掛在極鬼崇地方，綁在檔口旁的柱子上，面向舖內，客人勉強只見到260，而不見「両」字。
「鮑魚好靚！呢啲澳洲溏心鮑！」檔主見有獵物上釣，馬上積極促銷。記者故意「裝」價錢牌，然後說︰「260蚊一斤好抵喎，買啲返深圳畀老婆食。」檔主沒有回應，「拉線」即時搭訕︰「我都係帶返深圳，你咁錫老婆。」之後教記者如何揀鮑魚，並不斷將揀選的鮑魚放入記者袋內。

做戲碌卡一味靠滾

檔主將鮑魚放上磅，「二斤三両，你攞卡嚟，我幫你碌。」記者問二斤是否520元，她只說︰「一斤十六両，你攞卡嚟先，我幫你計。」就在這時，「拉線」也遞上信用卡假裝買鮑魚，但檔主極速放入旁邊的透明袋內，然後在袋內拿出另一張卡來刷卡。
「一斤260即係520？」記者繼續問，檔主扮忙碌讓「拉線」簽名。記者發現單據寫有銀碼︰「吓，8325蚊！」「拉線」即時扮嘢護駕︰「邊個會咁白癡話260一斤㗎？」付款後更「表現」好滿意，其後又與檔主你一言我一語叫記者：「買両試吓」，又說「第二度冇咁抵」。記者最後買了一両，其間一直在揀花旗參的同黨亦「出招」，提議將揀好的花旗參讓一半給記者：「我唔夠錢，我剩係買半斤。」記者說沒興趣，她竟放下花旗參不理，轉為扮揀鮑魚。
《蘋果》記者