喺舊年離開無綫嘅楊怡，同羅仲謙結婚後，休息咗個零月就復出做咗30場舞台劇，嘗試打開大陸市場，雖然嗰陣有傳楊怡因為堅持離巢而推劇，令雙方關係變僵，搞到佢同郭晉安主演嘅《末代御醫》被突然抽走。去年三月，楊怡同無綫正式結束17年賓主關係。(新聞連結： http://bit.ly/2sBvfXN )

不過呢個世界同波一樣，都係圓嘅，邊度會有永遠嘅敵人，今日有周刊報道，楊怡將會喺7月回巢拍劇，今次同郭晉安合作拍《再創世紀》，呢套劇將會去加拿大同捷克布拉格拍外劇，預計30集左右嘅劇集會拍半年，報道仲話阿怡今次會同安仔再度合作做夫婦。

但因為簽咗無保密協議，愛奇藝要求所有對新劇資料保密，等到達成期共識後先可以公開。事後楊怡接受周刊訪問，佢話0依家喺傾談中，有好消會公佈。反而安仔大方承認呢件事，佢話阿怡會做佢嘅太太，自己好開心有份參與。

今日《蘋果》向楊怡求證，佢話：「唔好意思吖，詳情仲未有特別回應，有消息會盡快告訴大家！」