今晚英超球賽中，曼聯作客韋斯咸，爆冷以3：1慘輸，相信一眾曼聯球迷都嬲到震，不過講到最嬲嘅人，其中一個一定係曼聯頭號粉絲李克勤。

事關當曼聯半場完場嗰陣，見到愛隊輸緊畀韋斯咸0：2，心痛愛隊嘅克勤亦忍唔住出post，而且仲要鬧得幾狠吓：「真係睇到把幾火，成條中場線毫無創造能力，得個百分之三十幾控球指數，大佬，對手係韋斯咸喎，唔係巴塞。成隊波好似啱啱喺殯儀館走出嚟咁，頭耷耷毫無朝氣...摩佬你想點？」

嗱，正所謂「愛之深、責之切」，睇見克勤鬧到咁，相信佢當刻心情真係嬲得嚟又傷心。

精選娛聞，喺晒《娛果》
http://fb.com/appledailyent