千嬅囝囝Torres今日舉行一歲生日派對,林珊珊、劉浩龍、甘比同兩個小朋友、張燊悅同兩個女、何超蕸、汪詩詩、SaSa太子女郭詩慧(Melody)等等。甘比帶埋兩個小朋友,包括姨甥同囡囡秀樺,一齊由三個保鑣陪入場,場外有善款箱,秀樺仲親手捐錢。
千嬅表示,今次生日會費用有贊助,收平咗,雖然囝囝唔知發生乜事,但想佢有好回憶。千嬅又表示丁家同楊家好少聚會,今日難得聚埋一齊,不過爸爸媽媽就唔使扮動物,現場仲有人扭波波、玩魔術同人像繪畫添。師兄劉浩龍今日都扮鬆弛熊,問佢點解祖兒唔嚟?佢話祖兒要開工,今次一齊做善事,因為千嬅一早叫咗大家唔使買禮物,折現捐款,並以Torres名義捐俾特殊學校。
逢周五隨《蘋果日報》附送嘅時尚美容雜誌《add》第四期經已出版,大家仲可以上《add》嘅官網 http://add.appledaily.com睇足本網上版。除咗有陳妍希專訪,仲有好多時裝靚嘢睇!