黃秋生老馬有火，前晚喺facebook開名鬧爆王晶，嚟緊9月，佢就會同當年合作拍電影《誤人子弟》嘅林海峰(Jan)，演出舞台劇《搞大電影》。兩人喺舞台劇中，飾演推銷電影劇本嘅製作人，論盡娛樂圈秘史，日前秋生出席舞台劇記招時，被問到會唔會擔心被指影射圈中人？秋生就講到明：「唔使影射啊，直情寫晒啊！」(新聞連結： http://bit.ly/2uEtM1M )

秋生今日就對《蘋果》講明：「我部舞台劇咪講啲咁嘅人囉，講電影圈衰格人。」問到(王老吉)王晶係咪有份？佢話：「似囉，啲吹牛、拍馬屁、踩人、衰格、潛規則、侮辱人，突然發癲，上咗位水鬼升城隍嗰啲人囉，演員得三個，劇本唔係我寫，美國人寫唔關我事。」