法甲勁旅巴黎聖日耳門（PSG）星期二喺球會官網公佈咗20位名人堂成員，只係為佢哋踢過總共14場比賽嘅英格蘭名宿碧咸都有入選。

PSG公佈嘅名人堂成員當中，包括有瑞典嘅伊巴謙莫域、巴西嘅朗拿甸奴、法國嘅真路拿、利比里亞嘅韋亞等等，個個都係實至名歸。至於42歲嘅碧咸當然都係公認偉大嘅球員，但掛靴前喺2013年1月以37嘅年紀加盟PSG，雖然PSG當年係贏到法甲冠軍，但碧咸只係踢咗包括10場法甲聯賽在內嘅14場比賽，仲要冇入過波，咁點解會入選名人堂呢？PSG官網可能畀到答案大家。

PSG喺名人堂嗰部分介紹碧咸時，曼後提到佢係一個時尚達人、係呢間首都球會一位迷人嘅大使………碧咸真係夠晒巴閉。