謝芷蕙（Cammi）嘅身體構造同面形，都好似一個謎。

先講佢個樣，變臉變到出神入化，加埋美圖秀秀及無敵PS，每次睇相都認唔到係佢本人，CammiBB就解釋過只係戴咗大眼仔，所以先有唔同，但奇就奇在大眼仔可以影響埋面形，犀利﹗另外，有次佢喺微博貼相，發現佢啲手指又係超長，係長得過份嗰隻，令人嘖嘖稱奇﹗

喺噚日聖誕節，愛自拍的CammiBB又貼相啦，今次就爆出佢身體另一個秘密，原來佢除咗手（指）長腳長外，條頸都好長呀﹗

第一眼睇呢張相，好似冇乜嘢咁，但只要留心望多眼，就會發現CammiBB條頸又長又幼，不過長得嚟有欠自然，怪怪哋咁，有啲似長頸鹿囉，當然頸長應該同戴大眼仔無關啦。

問題係點解佢條頸顯得特別長呢？好有可能因為CammiBB個把長長秀髮，咁啱遮住咗條頸一部分，再加埋執相效果，令佢條頸顯得特別咁長，不過望落佢真係有欠自然。